幾個人.......幾支酒...

九月中冇乜局,但都飲左四五日,不過只得幾條友,所以有幾支好野都未有機會開!

星期三晚,酒友拎左支匈牙利紅酒落酒舖,老細H打來通知,立即放下手上嘅工作,打的落去試試.

bock jozsef .........
Cabernet Sauvignon+ Pinot Noir........double decant 加二小時,都係油麻地.

跟手唔夠喉,因之前飲左支La Croix du Beaucaillou 幾好, 所以三條友上去食飯時拎埋支 La Dame de Montrose 2001試下.

開左三十分鐘開始黎,不過唔係重果,而有D重酒精,不過越飲越有,比起DUCRU 仔冇咁鮮,不過更有層次!


之後星期六下午飲左兩支BUZET,都不錯!
再飲La Chapelle de Mission 2001
初開有D雪茄味,之後再慢慢變,出左D Pessac 泥土味,又POWERFUL左,整體幾好,不過口感單薄左D.

22/9
飯局
Louis Latour Chablis premier cru 2002
condition唔靓,味好香,但入口有紙屑味,好混濁!唔好飲!

Château Lagrange 2003 半瓶裝
入口好薄,有車厘子味,酒精好搶,好散,比之前飲支97差好遠,唔好飲!



Château Sociando-Mallet 1999

condition唔靓,一開木獨左d,三十分鐘初試,入口似奶茶,好張口,finish好長,
但回味條脷有d痺.
放多一小時左右,上酒樓開餐,剩返半支,再試,果味出左,唔係好鮮果種,不過十分討好,又有d咖啡味,回味好長,又舒服,好飲!!

23/9
Chateau Talbot 1993 半瓶裝
當日老闆H已經開左兩支試,話幾好飲.坐底試左兩支澳洲野,悶悶地就開埋佢.
一開好重皮革味,四十五分鐘左右收左d,邊有d磚紅色,好多沈澱,但入口好純,
回味有d礦物味.一支稱職嘅酒

Château Sociando-Mallet 1999

酒友T 收到風尋晚之SM 正,即刻入返支去食飯, 即刻抽水,呢支condition靓好多,入口比之前果支更滑.......