2006年的香港藝術節 - Elisabeth Leonskaja

除左港樂,藝術節仲有一晚去左聽 Elisabeth Leonskaja,曲目有:

Schumann
Papillons, Op 2

Brahms
Six Piano Pieces, Op 118
Four Piano Pieces, Op 119

Schubert
Piano Sonata in B flat major, D 960


Elisabeth Leonskaja雖然在維也納深造多年,但仍係俄國舊派,果斷,強悍嘅風格, 令Papillons 同 Schubert 嘅 D 960 過多於展現作品複雜,而在作品細節美感,有所不足.

反而Brahms 果兩套短曲,響佢大刀闊斧下,有耳目一新感覺.

加奏係Schubert 即興曲,一首不知名樂曲, 同埋一首蕭邦夜曲,都係彈得好乾淨.

一晚不錯的演出,可惜好多聽眾不知所謂!
先有一班坐在二樓嘅''學子'',談話,聽MP3, 電話響.......
又有一位樂曲未完已經拍手叫好嘅先知!!!......
對演奏家與聽眾來說, 係一晚惡夢!!!

2006年的香港藝術節 - 港樂 . 馬勒二

近排工作量開始減少,所以有閒情買左藝術節三場音樂會.

第一場係三藩市交響樂團, 樂團一共演出三日, 我買左第二日的飛,係舒曼大提琴協奏曲同布拉拇斯第二,可惜當日突然加班,冇得去聽- -......四百幾蚊......!

第二場係由Edo de Waart帶領香港管弦樂團(港樂), 演出馬勒第二交響樂,而合唱係由伯明罕市交響樂團合唱團.艾度.迪華特帶領港樂的進步,係有目共睹.以前在黃大德領軍底下, 樂團部分成員好似在交功課一般,草草了事,夠鐘就起身走人.有段時間我寧願去聽香港小交響樂團, 都不願去聽港樂.而現在樂團在大師嘅領導下,演出專注,音色飽滿.

之前迪華特帶領港樂演出過,馬勒 1,4,5 呢三首交響樂,而大約一個月前演出馬勒第四, 我亦有去欣賞,感覺係一般,樂團老毛病又出黎,小提琴唔夠搶,支撐唔到樂曲; 而銅管又唔得純正,雙方配合參差,破壞左樂曲.......

好多人覺得馬勒二有一種摩力,但自己對馬勒二, 一向沒有太大感覺,我覺得佢係一首感染力強, 但有d吵鬧作品, Abbado, Bernstein, Klemperer, Gilbert Kaplan 甚至我最鍾意嘅Klaus Tennstedt 都比唔到我有共鳴去鍾意呢首樂曲,呢次演出亦係一樣.

不過呢次港樂演出好認真,團號手都有八,九人,加上今次銅管好放,營造出馬勒作品嘅氣氛.而樂團團長起身之後, 第一小提琴不斷在試,今次梁建楓領導得真好,齊奏,獨奏都有板有眼, 更重要的是帶得起整個樂團, 而定音鼓龐樂思與客席,及大提琴都表現出一貫高水準. 伯明罕市交響樂團合唱團嘅演出更為一絕,好多在錄音上聽不出嘅細節,嘅和諧,都一一展現!

有意思!